Instagram-ում հայտնվել է նոր գործիք, որը թույլ է տալիս ներդնել լուսանկարներ և տեսանյութեր կողմնակի կայքերում և բլոգներում, հաղորդում է Vesti-ն:
Դա անելու համար անհրաժեշտ է մտնել ծառայության վեբ-տարբերակ, սեղմել Share կոճակը, այնուհետ Copy Embed Code-ը: Այլ ռեսուրսում հրապարակված տեսանյութի կամ լուսանկարի մոտ կհայտնվի Instagram տարբերանշանը, հեղինակի անունը, Like-երի և մեկնաբանությունների թիվը:
Նոր գործառույթի հասանելիություն ունեն որոշ օգտատերեր, մյուսներին այն հասանելի կլինի ավելի ուշ:
Instagram-ն ընդգծել է, որ լուսանկարների և տեսանյութերի ներդրման գործառույթը եղել է ամենապահանջվածն օգտատերերի շրջանում:
