ԱՄՆ նախագահ Բարաք Օբաման հայտարարել է, որ Կանադան պետք է բարձրացնի մասնակցության ակտիվությունը ՆԱՏՕ-ի գործողություններում։ Այս մասին հայտնում է RIA Novosti-ն։
«Քանի որ կանադական զինված ուժերն իսկապես լավն են, թույլ տվեք ասեմ, որ աշխարհը պահանջում է Կանադայի ավելի մեծ մասնակցություն, ՆԱՏՕ-ն պահանջում է Կանադայի առավել ակտիվ մասնակցություն»,- նշել է ԱՄՆ նախագահը։
Նրա խոսքով՝ հավաքական անվտանգության խնդիրները պահանջում են «լայն միջակայքի գործիքներ՝ տնտեսական պատժամիջոցներից մինչև XXI դարի առաքելություններում մեր ուժերի մարտական պատրաստության պահպանում»։ Օբաման հույս է հայտնել, որ դաշնակիցների անվտանգությունը կբարձրացվի, եթե նրանցից յուրաքանչյուրն ընդհանուր գործում առավել մեծ ներդրում անի։
