Ամերիկահայ ռոք երաժիշտ Սերժ Թանգյանը հունիսի 25-ին կթողարկի իր նոր «Orca Symphony No. 1» ալբոմը: Այս մասին հայտնում է aravot.am-ը՝ http://www.aravot.am/2013/06/22/257819/ հղում անելով «Գրեմմի» երաժշտական մրցանակաբաշխության պաշտոնական կայքին:
Բացատրելով, թե ինչու է հենց այդ անունն ընտրել, Թանգյանն ասում է. «Օրկա (կետադելֆին) որոշեցի, որովհետև այն մարդկության խորհրդանիշն է»: Սիմֆոնիան բաղկացած է չորս գործողությունից, որի մասին Թանգյանն ասում է. «Չորս տարբեր գործողություններն ինձ հիշեցնում են երկրագնդի, երկնքի, ջրի և գետնի տակի մասին: Աշխարհի չորս տարբեր գոտիներ, որոնցից ոչ բոլորն են բնակեցված օրկաներով, բայց բոլորն էլ մարդիկ են ղեկավարում»:
«Orca Symphony No. 1» Թանգյանի առաջին սիմֆոնիկ նախագիծն է:
Կայքում հնարավոր է լսել երկրորդ գործողությունից մի հատված:
Հուլիսի 23-ին Թանգյանը նաև պատրաստվում է թողարկել Jazz-iz Christ ջազային ալբոմը, որի մեջ ընգրկված է Կոմիտասի «Գարուն ա» երգը, որը նա ձայնագրել է դաշնակահար Տիգրան Համասյանի հետ:
