Չինաստանի վերահսկիչ մարմինները հետաքննություն են վարում Baidu որոնողական ծառայության նկատմամբ ուսանողի մահվան պատճառով, որը համացանցում քաղցկեղի բուժման միջոցներ է փնտրել: Այս մասին հայտնում է BBC-ի ռուսական ծառայությունը:
21-ամյա Վեյ Ցզեսին մահացել է ապրիլին սինովիալ սարկոմայից:
Նրան այդ հիվանդությունն ախտորոշել են 2014 թ., և նա ոչ ավանդական բուժում է ստացել հիվանդանոցում, որը գովազդել է որոնողական համակարգը:
Ընկերությունը Weibo-ում իր միկրոբլոգում հայտարարել է, որ հայտ է ներկայացրել հետաքննություն անցկացնելու հիվանդանոցի նկատմամբ, որտեղ բուժել են Վեյ Ցզեսիին: Հիվանդանոցը դեռ չի մեկնաբանել կատարվածը:
