Թուրքիայում խոսքի ազատության իրավիճակը սրընթաց վատթարանում է, հայտարարել է Amnesty International միջազգային իրավապաշտպան կազմակերպության ներկայացուցիչ, Թուրքիայի հարցով փորձագետ Էնդրյու Գարդները Sputnik գործակալությանը տված հարցազրույցում:
«Երկար ժամանակ մենք արձանագրում ենք Թուրքիայում խոսքի ազատության խիստ սահմանափակում: Ես համարում եմ, որ վիճակը լուրջ է, և այն արագորեն վատթարանում է»,- ասել է Գարդները:
Նրա խոսքերով՝ Թուրքիայում լրատվամիջոցներն ամբողջովին գտնվում են ուժեղ ճնշման տակ: Անկախ պարբերականների մեծ մասն ունեն միայն օնլայն տարբերակներ` ընդ որում, վերջին մի քանի տարվա ընթացքում դրանք հաճախ դարձել են իշխանությունների թիրախը: Գարդների կարծիքով՝ պարզ է, որ դա Թուրքիայի կառավարության ստրատեգիական դիրքորոշումն է:
«Պարզ է, որ Թուրքիայում մամուլի և ցենզուրայի ազատության հետ կապված իրավիճակն անընդունելի է, այն չի համապատասխանում մարդու իրավուքների միջազգային ստանդարտներին»,- ավելացրել է իրավապաշտպանը:
