ԵՄ առաջնորդները պայմանավորվել չկարողանալու պատճառով ենթարկվում են միասնական Եվրոպայի կառուցումը խափանելու ռիսկին, որը կարող է նրանց համար Բաբելոնյան աշտարակը դառնալ։ Այս մասին գրում է Reuters-ը։
«Ինչպեսև բիբլիական Բաբելոնի աշտարակի դեպքում, Եվրոպայի հավակնոտ շինարարությունը գտնվում է խափանման սպառնալիքի տակ, քանի որ նրա ժողովուրդները չեն խոսում մեկ լեզվով»,- նշում է գործակալությունը։
Եվ եթե տարաձայնությունների վերաբերյալ այլ եվրոպական ճգնաժամերի ժամանակ կարելի էր կա՛մ ժամանակավորապես մոռանալ, կա՛մ աստիճանաբար գլուխ բերել, ակնհայտ ուղի պարզապես գոյություն չունի միգրացիոն ճգնաժամի հետաձգման կամ հարթման համար։
Հոդվածագիր Փոլ Թեյլորի տեսանկյունից՝ ԵՄ երկրների ներկայիս առաջնորդներն առերեսվել են համանման խնդիրների։ Նրանք չափազանց տարբեր տեսակետներ ունեն առավել սուր եվրոպական խնդիրների առնչությամբ։
Գերմանիայում ներկայումս ընթանում են կատաղի վեճեր այն հարցի շուրջ, թե ինչպես հաղթահարել միգրացիոն հոսքը, կամ սահմանափակել, կանգնեցնել։ Ֆրանսիան այլ խնդիրներ ունի, այն դեռևս չի կարողանում հաղթահարել Փարիզի ահաբեկչություններից հետո շոկային վիճակը։ Մեծ Բրիտանիայի օրակարգում ԵՄ-ից դուրս գալու հարցով ապագա հանրաքվեն է։ Եվրոպայի արևելքում՝ Լեհաստանում, մարդիկ վիճում են սահմանադրական դատարանի և ԶԼՄ-ների լիազորությունների սահմանափակման՝ նոր կառավարության փորձերի շուրջ։ Իտալիայում և Պորտուգալիայում տարված են սեփական տնտեսությունների վերածննդով, իսկ Իսպանիան ներկայումս առանձնանում է կատալոնական անջատողականությամբ, քաղաքական կաթվածով և երկրի փլուզման ռիսկով։
