Հանրապետական կուսակցությունից ԱՄՆ նախագահի պաշտոնին հավակնող Դոնալդ Թրամփը կարծում է, որ երկրի սահմանները նման են շվեյցարական պանրին, քանի որ բազմաթիվ անցքերով անօրինական ներգաղթյալներ են ներխուժում։ Այս մասին նա հայտարարել է Հյուսթոնում (Տեխաս) դեբատների ընթացքում՝ փոխանցում է ABC News-ը։
«Առնվազն 11 մլն մարդ երկիր է ներթափանցել ապօրինի»,- նշել է միլիարդատերը։ Նա կրկին խոստացել է Մեքսիկայի հետ սահմանին պատ կառուցել անօրինական ներգաղթյալներից պաշտպանության համար։
Ըստ այդմ՝ նա նշել է, որ որքան շատ մեքսիկացիները քննադատեն իր գաղափարը, այնքան բարձր կլինի պատը։ «Այն հենց նոր 10 ֆուտով (3.05 մետր) բարձրացավ»,- նշել է Թրամփը։
Ավելի վաղ Մեքսիկայի նախկին առաջնորդը հայտարարել էր, որ մտադիր է վճարել այդ պատի համար։ Նա Թրամփին անվանել էր «խելագար» և «էգոցենտրիկ» քաղաքական գործիչ, ինչի համար Թրամփը ներողություն է պահանջել։
