Հանրապետական տղամարդկանցից և ոչ մեկը չդատապարտեց Մհեր Սեդրակյանի արարքը:
Դիտարկմանը՝ սա նշանակո՞ւմ է արդյոք, որ Հանրապետականում ոչ միայն ականջալուր չեն եղել Սերժ Սարգսյանի ելույթին, այլև իրենց վարքով խրախուսում են լրագրողների հանդեպ նման վերաբերմունքը, ԱԺ փոխնախագահ, ՀՀԿ մամուլի խոսնակ Էդուարդ Շարմազանովը պատասխանեց. «Ցանկացած ոտնձգություն լրագրողների պրոֆեսիոնալ գործունեության նկատմամբ մենք դատապարտում ենք, անկախ նրանից՝ ով է արել, որ կուսակցության ներկայացուցիչը: Եվ առհասարակ՝ էթիկայի կանոնների ցանկացած խախտում մեզ համար անընդունելի է»:
Էդ. Շարմազանովի խոսքով՝ ինքը չի տեսել տեսանյութը, սակայն Մհեր Սեդրակյանն անձամբ ասում է, որ ոչ ոքի չի վիրավորել. «Իսկ ինչ վերաբերում է վիրավորանքներին, Հանրապետական կուսակցության կարծիքը հստակ է՝ ցանկացած գործողություն, որը դեմ է էթիկայի կանոններին, մեզ համար ընդունելի չէ»:
