Ծայրահեղականների կողմից գազանային հանցագործությունները հետապնդում են խաղաղ բնակչութանն ահաբեկելու, սիրիական ճգնաժամի երկարաժամկետ քաղաքական կարգավորման հասնելու փորձերի, բռնության ու արյունահեղության դադարեցման ջանքերի խաթարման նպատակ։ Այս մասին հայտարարել են ՌԴ ԱԳՆ-ում ՝ կապված Դամասկոսում և Հոմսում երեկ կատարված ահաբեկչական հարձակումների հետ։ Այս մասին փոխանցում է TASS գործակալությունը։
«Մոսկվայում ամենավճռական կերպով դատապարտում են ահաբեկիչների անմարդկային հարձակումները։ Անկեղծ ցավակցություն ենք հայտնում զոհերի ընտանիքներին, շուտափույթ ապաքինում ցանկանում տուժածներին»,- նշել են ՌԴ դիվանագիտական գերատեսչությունում։
Հարձակումների պատասխանատվությունը ստանձնել է ԴԱԻՇ-ը։
«Նման նողկալի հանցավոր գործողությունները պահանջում են միջազգային հանրության պատշաճ սկզբունքային արձագանք»,- հայտնել է ԱԳՆ-ն։
