Ռուսական RIA Novosti լրատվական գործակալության փոխանցմամբ՝ Իրանը կաջակցի Սիրիային՝ հաղթահարելու համար նրա առջև ծառացած սպառնալիքները։ Այդ մասին հայտարարել է Իրանի փոխարտգործնախարար Հոսեին Ամիր Աբդոլահիանը:
«Մենք կշարունակենք մեր աջակցությունը մի քանի ասպեկտով։ Իրանն ու Ռուսաստանը աջակցելու են Սիրիային՝ կապված այն սպառնալիքների հետ, որոնք ծառացած են երկրի առջև։ Թեհրանն ու Մոսկվան վճռականորեն աջակցում են Սիրիայում քաղաքական կարգավորմանը, և մենք աջակցում ենք պարոն դե Միստուրայի ջանքերին, որը ձգտում է քաղաքական երկխոսություն հաստատել սիրիացիների միջև»,- ասել է նա։
Աբդոլահիանը հավելել է, որ լավատեսորեն է տրամադրված ուրբաթ Ժնևում մեկնարկելիք միջսիրիական բանակցությունների հանդեպ։
