Ռուսական RIA Novosti լրատվական գործակալության փոխանցմամբ՝ Մոսկվան Իրաքում Թուրքիայի կողմից զորք տեղակայելը որակում է որպես միջազգային իրավունքի կոպիտ խախտում։ Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Դատելով Անվտանգության խորհրդի մի շարք անդամների արձագանքից՝ թուրք զինվորականների գործողությունները անսպասելի են եղել անգամ իրենց մերձակա դաշնակիցների համար՝ չնայած դաշինքի համերաշխությունը պահպանելու համար նրանք զերծ մնացին Անկարային խստորեն քննադատելուց՝ կապված նրա այն գործողությունների հետ, որոնք միջազգային իրավունքի կոպիտ ոտնահարում են եղել»,- ասել է նա։
Դեկտեմբերի 4-ին Թուրքիան տանկային մեկ գումարտակ է մտցրել Իրաքի հյուսիս, ինչն իրաքյան իշխանությունները որակել են որպես ներխուժում։
