Apple Music-ը ներկայումս դեռ ամբողջովին չի բացահայտել իր ներուժը, գրում է internetua.com-ը: Չնայած նորույթի համար արժանի ցուցանիշերին՝ երկար ճանապարհ կա մինչև մրցակիցների տարածվածության մակարդակին հասնելը:
Այս տարվա հոկտեմբերին Apple Music-ն ուներ 6,5 մլն վճարովի բաժանորդագրություն և անվճար փորձնական տարբերակն օգտագործող 8,5 մլն օգտատեր: Լսարանի հետագա աճի վրա ազդում են մրցող ծառայությունները, հատկապես անվճար ծառայություներ առաջարկողները: Ներկայումս բաժանորդների թվով Apple Music-ը միայն չորրորդ տեղում է Pandora-ից, Spotify-ից և YouTube-ից:
78 մլն օգտատեր ունեցող Pandora-ն վերջերս գնել է Rdio առցանց հեռարձակման ծառայությունը, ինչն ընկերությանը հնարավորություն կտա հայտով երաժշտության վճարովի լիարժեք ծառայություն առաջարկել: Հունիսին Spotify-ը հայտարարեց, որ հասել է 75 մլն բաժանորդի և սպասում է 100 մլն բաժանորդագիր ունենալ մինչև 2015 թ. վերջ: YouTube-ը թողարկել է սեփական Music հավելված երաժշտական ստեղծագործություններին ավելի հեշտ ու արագ հասանելիության համար:
Նույնիսկ եթե հաջորդ տարի Apple Music-ի օգտատերերի թիվը տասնակի ավելանա և հասնի 65 միլիոնի, հիմք չկա մտածելու, որ դա զգալիորեն կհարվածի Spotify-ին կամ YouTube-ին:
