ՀՀ սահմանադրության փոփոխությունների հանրաքվեի քարոզչությունը լուսաբանել է 35 հեռուստառադիոընկերություն, այդ թվում`24 հեռուստաընկերություն, 11 ռադիոընկերություն: Այս են վկայում ՀՀ հեռուստատեսության և ռադիոյի ազգային հանձնաժողովի մոնիտորինգի արդյունքները:Տվյալները լրագրողներին ներկայացրեց ՀՌԱՀ նախ ագահ Գագիկ Բունիաթյանը: «Հանրաքվեի քարոզարշավն ավարտվել է հանրաքվեից մեկ օր առաջ` դեկտեմբերի 4-ին` 24:00-ի դրությամբ: Մշտադիտարկումը շարունակվում է, որը կավարտվի դեկտեմբերի 6-ին` ժամը 20:00-ին»,-նշեց Գագիկ Բունիաթյանը:
ՀՌԱՀ անդամ Արմեն Մկրտչյանի տեղեկացմամբ էլ` հոկտեմբերի 10-ից դեկտեմբերի 4-ն ընկած ժամանակահատվածում հանձնաժողովն իրականացրել է 59 հեռուստառադիոընկերությունների եթերի մշտադիտարկում` 39 հեռուստաընկերություն և 20 ռադիոընկերություն: Մշտադիտարկման են ենթարկվել մարզերում գործող բոլոր հեռուստաընկերությունները:
«Ուսումնասիրվել է, ընդհանուր առմամբ, 15 հազար 620 ժամ, որից 10 հազար 340 ժամը հեռուստածրագրեր, այդ թվում` 456 ժամը մարզերում, և 5 հազար 280 ժամ ռադիոծրագրեր»,-ասաց Արմեն Մկրտչյանը:
Սահմանադրության փոփոխությունների հանրաքվեի քարոզչության ժամանակահատվածում կողմերին հատկացվող վճարովի եթերաժամի և դրա սակագնի մասին հայտարարել են 24 հեռուստաընկերություններ ու 6 ռադիոընկերություններ:
Մոնիտորնիգի արդյունքում պարզ է դարձել, որ հեռուստաընկերություններում մեկ րոպեի սակագինը նվազագույնը կազմել է 1400 դրամ, առավելագույնը`120 հազար դրամ: Ռադիոյի մեկ րոպե եթերաժամանակի արժեքը տատանվել է 480-3600 դրամի սահմաններում:
Կողմերին տրամադրվել է 1618 րոպե անվճար եթերաժամանակ կամ 27 ժամ և վճարովի կարգով` 1601 րոպե կամ 26.1 ժամ:
