18-ամյա Քայլի Ջենները խոստովանել է, որ մեծացրել է շուրթերը: Այդ թեման երկար ժամանակ յուրատեսակ տաբու է եղել նրա համար: Քայլիի խոսքով՝ շուրթերը միակ բանն են, որ նա շտկել է իր դեմքի վրա՝ ասել է նա ELLE ամսագրին տված հարցազրույցում:
«Երբ ես մեծացրի շուրթերս, բառացիորեն ոչ ոքի չասացի: Ես չասացի իմ լավագույն ընկերոջը կամ նույնիսկ այն տղային, որն այդ ժամանակ ինձ դուր էր գալիս: Ես իսկապես կարծում էի, որ դա ոչ ոքի չի վերաբերում: Մայրս դրան շատ դեմ էր, բայց ես նրան նորից ու նորից էի աղաչում, և վերջիվերջո նա ինձ թույլ տվեց մեծացնել շուրթերս»,- ասել է Քայլին:
Նրա խոսքով՝ ինքը երբեք չի հերքել շուրթերը մեծացնելու փաստը, պարզապես նախընտրել է չծավալվել այդ թեմայով:
«Երբ շուրթերս մեծացրի, մտածում էի, որ դա այնքան ակնհայտ է, որ ես չպետք է ոչինչ ասեի: Ես երբեք չեմ ասել, որ մեծացրել եմ շուրթերս, բայց միաժամանակ չեմ հերքել դա: Բայց մարդիկ կարծում են, թե ես ստախոս եմ»,- պատմել է Ջենները:
Քայլին կտրականապես հերքում է, որ իր մարմնի վրա այլ վիրաբուժական միջամտություններ են կատարվել: Սակայն ԶԼՄ-ներում շշուկներ են շրջանառվում փոխված քթի և մեծացված կրծքի մասին:
