Իտալիայի առափնյա պահպանության աշխատակիցները Լիբիայի ափերի մոտ փրկել են ավելի քան 1000 փախստականի։ Նրանք փորձել են Միջերկրական ծովը հատել 6 ռետինե նավակներով և մեկ փայտե ձկնորսական նավով։ Այս մասին հայտնում է TASS գործակալությունը՝ հղում անելով «Ալ Վաֆդ» թերթին։
Փախստականների շարքում ավանդաբար կան բազմաթիվ կանայք ու երեխաներ, սակայն նրանց թիվը չի հստակեցվում։
Փրկարարական գործողությունն անցկացվել է ներգաղթյալների անօրինական փոխադրողների դեմ պայքարի ԵՄ «Սոֆիա» ռազմածովային արշավի շրջանակում։
Իտալիայի իշխանությունները նշում են, որ միայն վերջին տարում Իտալիայի ափեր է հասել 140 հազար ներգաղթյալ, որոնցից շատերը եկել են Լիբիայից։
