Սաուդյան Արաբիայում հսկայական պատ են կառուցում Եմենի հետ սահմանի երկայնքով: Պատի շինարարական աշխատանքներն արդեն սկսվել են՝ հաղորդում է BBC-ն:
Այս կերպ Էր-Ռիադը հույս ունի կանխել անօրինական ներգաղթյալների, թմրավաճառների և «Ալ-Քաիդա» ահաբեկչական խմբավորման անդամների հոսքը Սաուդյան Արաբիա:
Սաուդացի սահմանապահները բողոքում են, որ «արաբական գարնան» սկզբից Եմենի հետ սահմանին իրավիճակը զգալիորեն վատացել է: Վերջերս մաքսանենգների հետ հերթական փոխհրաձգության հետևանքով զոհվել է 5 սահմանապահ:
Եմենում «Ալ-Քաիդա»-ն ակտիվացել է 2011թ.՝ երկրի իշխանությունների դեմ բնակչության զանգվածային ելույթներից հետո:
2012թ. ամռանը Սաուդյան Արաբիայում կանխվել են «Ալ-Քաիդա»-ի մի շարք ահաբեկչություններ: Ութ ձերբակալվածներից 6-ը Եմենի քաղաքացիներ էին:
