Շվեդիայում McDonald’s արագ սննդի ռեստորանների ճաշացանկում նոր ուտեստ է ավելացել՝ Maestro Classic համբուրգեր: Luxurylaunches-ի հաղորդմամբ՝ այն փորձելու համար պետք է սեղան պատվիրել ցանցի ռեստորաններից մեկում:
Պարբերականը չի նշում՝ ինչ բաղադրիչներից է բաղկացած ուտեստը և որքան կարժենա, բայց ընկերության ներկայացուցիչներն այն կմատուցեն ինչպես լյուքս դասի բուրգեր: Այն կարելի է փորձել սեպտեմբերի 25-ից մինչև հոկտեմբերի 2-ը: Ի լրացումն հիմնական ուտեստի՝ ացելուներին կառաջարկեն դեսերտ՝ պաղպաղակ կամ կարկանդակ:
«Մենք ուզում էինք մեր հաճախորդներին հնարավորություն տալ առաջինը փորձել Maestro Classic-ը և սեղան պատվիրել իրենց սիրելի ռեստորանում»,- հայտարարել է Շվեդիայում McDonald’s-ի բաժնի մարքեթինգի հարցերով տնօրեն Ջեֆ Ջաքեթը:
