ՄԱԿ-ի Գլխավոր ասամբլեայի 70-րդ նստաշրջանում Իրանի նախագահ Հասան Ռոհանիի ելույթի գլխավոր թեման կլինի Մերձավոր Արևելքը և Պաղեստինը: Այդ մասին հայտնում է RIA Novosti-ն:
Ավելի վաղ հաղորդվել էր, որ 2015 թվականի սեպտեմների 25-ին Իրանի նախագահը աշխատանքային այցով կմեկնի ԱՄՆ Նյու Յորքում ՄԱԿ-ի Գլխավոր ասամբլեայի 70-րդ նստաշրջանի աշխատանքներին մասնակցելու համար: Բացի ելույթ ունենալուց, Ռոհանին կհանդիպի այլ երկրների պաշտոնական ներկայացուցիչների հետ:
Սեպտեմբերի 15-ին բացվել է ՄԱԿ-ի Գլխավոր ասամբլեայի 70-րդ հոբելյանական նստաշրջանը: Սեպտեմբերի 28-ին կսկսվի բարձր մակարդակի ընդհանուր քաղաքական քննարկումներ, որը հատուկ նշանակություն կունենա միջազգային հանրության համար: Ռուսական պատվիրակությունը կղեկավարի նախագահ Վլադիմիր Պուտինը: Դրանից առաջ սեպտեմբերի 25-27-ին Նյու Յորքում տեղի կունենա ՄԱԿ-ի գագաթնաժողովը: Սեպտեմբերի 27-ին այնտեղ ելույթ կունենա Ռուսաստանի ԱԳ նախարար Սերգեյ Լավրովը:
