Թուրքիան կշարունակի ակտիվ միջոցառումներ ձեռնարկել երկրում ահաբեկչական խմբավորումների լիարժեք չեզոքացման համար: Այս մասին գրում է TASS-ը` վկայակոչելով Թուրքիայի նախագահ Ռեջեփ Թայիփ Էրդողանին:
«Մենք գիտենք, որ ահաբեկիչները (Քուրդստանի աշխատավորական կուսակցություն) մեծ կորուստներ են կրել ինչպես երկրի ներսում, այնպես էլ դրա սահմաններից դուրս: Մենք օպերացիաներ ենք ձեռնարկել ընդդեմ ԴԱԻՇ-ի (Իրաքի և Շամի իսլամական պետություն), որը նմանատիպ սպառնալիք էր ներկայացնում մեր անվտանգությանը: Այդ խմբավորումների միջև ոչ մի տարբերություն չկա. ահաբեկիչներն ահաբեկիչներ են: Մենք կշարունակենք պայքարը, քանի դեռ չի անհետացել սպառնալիքը, և քանի դեռ Թուրքիայի սահմաններից չի անհետացել վերջին ահաբեկիչը»,- ասել է Էրդողանը երկրի գլխավոր շտաբի նախկին պետ Նեջեթ Օզելին պարգևատրության արարողության ժամանակ:
