ԵՊՀ արդեն նախկին դասախոս Արարատ Միրզոյանը, ով մի քանի օր առաջ քննադատել էր ԵՊՀ ռեկտորի օգնական Գևորգ Մելքոնյանի պահվածքը Facebook-ի իր էջում գրել է.
«Աաա, ժողովուրդ, էս ինչ մանր են սրանք !!!
Ուրեմն էն իմ և միացած դասախոսների հայտարարությունը ԵՊՀ ռեկտորի օգնականի ու դասադուլավորների հետ կապված հիշո ՞ւմ եք չէ:
Էսօր իմացա, որ մարտի կեսերից նախատեսվող դասախոսություններիս համար ամբիոնի կողմից առաջարկված պայմանագիրս չեն հաստատել: Հիմա ես իսկապես ԵՊՀ դասախոս չեմ: ՃՃՃ»:
Հիշեցնենք, որ Արարատ Միրզոյանը` լինելով ԵՊՀ դասախոս, խստորեն դատապարտել էր 2013թ. փետրվարի 27-ին ԵՊՀ կենտրոնական մասնաշենքի դիմաց դասադուլի կոչով հանդես եկող ուսանողների նկատմամբ ԵՊՀ որոշ պաշտոնյաների, ուսխորհդի, արհմիության և/կամ այլ կառույցների ներկայացուցիչների պահվածքը: Համարելով, որ հայհոյանքները, վիրավորանքները, սպառնալիք պարունակող և վտանգավոր հետևանքներով հղի «զորքը բեր առաջ, ախալքալաքցիներին բեր առաջ» արտահայտությունը, հեգնական «ես էլ եմ ձեզ սիրում, հատկապես աղջիկներին»-ը և նման այլ արտահայտությունները, մեղմ ասած, պատիվ չեն բերում ԵՊՀ-ին և վտանգում են Մայր բուհի հեղինակությունը:
Միրզոյանը նաև պահանջել էր ՀՀ ԿԳ նախարարից և ԵՊՀ ռեկտորից պաշտոնապես պարզաբանել միջադեպը և պատժել իրենց պաշտոնը չարաշահած և լիազորությունները գերազանցած անձանց:
