Հանելուկային պատմություն. վերջին ամսում արդեն երկրորդ անգամ շուկայում հայտնվել է Twitter-ի մասին հորինված նորություն, հայտնում է vestifinance.ru-ն:
Այս անգամ նորության հեղինակը իբր դարձել է Bloomberg-ը, բայց արդյունքում պարզվել է, որ հանուն նորության կեղծվել է ամբողջ կայքը: Ինչ-որ մեկը ստի կամ ինչպես այժմ ընդունված է ասել՝ ֆեյկի միջոցով շատ լավ վաստակել է: Twitter-ի մասին նորություններ փնտրելը այսօր տվել է մեծ արդյունք` Bloomberg գործակալությունը հայտնել է, որ 31 միլիարդ դոլարի համար Twitter-ին շուտով կուլ կտան: Հաշվի առնելով, որ Twitter-ի կապիտալը կազմում է ընդամենը 24 միլիարդ դոլար, գործարքը կկարողանար հարստացնել այդ ծառայության բաժնետերերին:
Հաղորդագրությունը թվում էր ճշմարտացի, քանի որ արված էր հեղինակավոր գործակալություններից մեկի կողմից: Արդյունքում Twitter-ի բաժնեթղթերը բարձրացան 8%-ով և երկար ժամանակ պահպանվեցին առավելագույն մակարդակի վրա: Կապիտալը բորսայում աճեց մոտ 2 միլիարդ դոլարով: Սակայն պարզվեց, որ այդ ամենը կեղծ է:
Մնում է միայն գուշակել, թե ով է դա արել:
