Թուրք գործարարները մտադիր են Ղրիմի տարածքում ներդնել 12.5 միլիարդ դոլար՝ հայտնում է Ria Novosti-ն: Ներդրումային առաջին նախագիծը կլինի Սիմֆերոպոլում 5-աստղանի հյուրանոցի կառուցումը: Այս մասին հայտարարել է Թուրքիայի Քայսերի քաղաքի արդյունաբերական կենտրոնի փոխնախագահ Սուլեյման Սարփթաշը:
Թուրք գործարարների պատվիրակությունն արդեն մի քանի օր է՝ Ղրիմում է։ Նրանք այցելել են մի շարք քաղաքներ և առաջարկներ ներկայացրել ներդրումային մի շարք նախագծերի մասին: Սարփթաշը հայտարարել է, որ պլանավորված է առաջին փուլում Ղրիմում ներդնել 1 միլիարդ դոլար:
Նրա խոսքով՝ Թուրքիայի կառավարության լիազոր անձինք հավանության են արժանացրել իրենց գործողությունները՝ հայտարարելով, որ պատժամիջոցներն ամեն դեպքում ինչ-որ ժամանակ վերացվելու են: Սարփթաշը հիշեցրել է, որ Թուրքիայի կառավարությունը չի միացել Ռուսաստանի դեմ պատժամիջոցներին և իրենց չի արգելել գործունեություն ծավալել Ղրիմում:
