Արագածոտնի մարզի Օհանավան, Կարբի և Ուշի գյուղերի բնակիչները հոսանքը չթանկացնելու պահանջով այսօր վաղ առավոտից Օհանավան գյուղում ակցիա էին իրականացնում ՝ «Ի չիք էլեկտրաէներգիայի թանկացումը» կարգախոսով: Գյուղացիները վրդոված էին: «Ծառաները եկել, ոտքներս ընկել, ձայն էին խնդրում, հիմա էլեկտրաէնրգիա՞ են թանկացնում: Ծառա են, աղայություն են անո՞ւմ»,- նշեցին նրանք:
Գյուղացիների պնդմամբ՝ հատկապես տուժելու է սառնարանային տնտեսությունը: Եթե մենք սառնարանում, ասենք, տոննայով միրգը կգ-ը 30 դրամով էինք պահում, հիմա 60-ով ենք պահելու: «Իմաստ չունի: Ասենք՝ եթե այդ միրգը 120 դրամով ենք ծախելու, էլ սառնարան էլ չենք դնի: Գյուղացին ի՞նչ անի, թողի բերքը փչանա»,-նշեցին նրանք:
Գյուղացիները կառավարությանը հորդորեցին հասկանալ, որ շղթայական թանկացումներ կլինեն, որոնց տակից հայաստանցին դուրս չի կարող գալ: «Բոլորով պետք է ոտքի կանգնենք, գնանք 19-ին Երևան, միասնաբար պիտի պայքարենք, այդ դեպքում կհաղթենք»,- նշեցին նրանք:
Մանրամասները՝ տեսանյութում:
