Էլեկտրաէներգիան կթանկանա, բայց ոչ թե 7 դրամով կթանկանա, այլ՝ 6,93:Այս մասին այսօր ԱԺ-ում լրագրողներին ուրախությամբ ազդարարեց ՀՀ վարչապետ Հովիկ Աբրահամյանը:
«Հիմա հաշվարկում ենք, թե ինչ ազդեցություն կունենա տնտեսության վրա, բնակչության վրա: Փորձելու ենք նպաստառուներին աջակցել, օգնել, որպեսզի իրենք այդ բեռը չզգան»,-ասաց վարչապետը:
«Ուղղակի թող հանձնաժողովը հաստատի, մենք հետևանքների մասին բարձրաձայն խոսելու ենք: ԱԺ-ում հունիսի 12-ին լսումեր են լինելու, նախարարությունները կներկայանան և բացատրություն կտան հանրությանը, մենք էլ լինելու ենք շատ թափանցիկ, շատ բաց, որպեսզի հանրությանը բացատրենք այն, ինչ տեղի է ունենալու»,- ասաց նա:
