«Արցախում ստեղծվելիք Հանրապետական կուսակցությունը կապ չունի Հայաստանում գործող մոնստրի հետ: «Դա ավելի շատ շփոթեցնելու համար է»,- տեղեկացրին արցախյան մեր աղբյուրները: Կուսակցության ստեղծման մասին հայտարարած թե Կարեն Օհանջանյանը, թե Արևիկ Պետրոսյանը հայտնի «ղուկասյանականներ» են: Արևիկ Պետրոսյանն Արցախի 5-րդ գումարման պատգամավոր էր՝ Արցախի ժողովրդավարական կուսակցությունից, որի ղեկավարն Աշոտ Ղուլյանն է, սակայն կուսակցության իրական «տերն» Արկադի Ղուկասյանն է:
Այս անգամ ևս Արևիկ Պետրոսյանն ԱԺԿ-ի համամասնական ցուցակում է եղել, սակայն չի անցել: Ներքին խնդիրներր են առաջացել Ղուլյանի և իր կուսակիցների միջև, գաղտնիք չէ, որ Արկադի Ղուկասյանը ցանկանում է դառնալ ԼՂ հաջորդ նախագահ, հարցրինք մեր զրուցակցին: «Չէ, խնդիրն առնչվում է Ղարաբաղում ևս սպասվելիք սահմանադրական փոփոխություններին, նրանք, ովքեր դեմ են այդ փոփոխություններին, արդեն իսկ փորձում են այլընտրանքային, ընդդիմադիր հարթակներ ստեղծել, որ կարողանան մի քանի կետից պայքարել»»,–գրում է թերթը։
Մանրամասները՝ թերթի այսօրվա համարում։