Հյուսիսային Կորեայի միջուկային ծրագրերը կարող էին արժենալ ավելի քան 3 մլրդ դոլար: Փորձագետների այս գնահատականը ներկայացնում է հարավկորեական The Chosunilbo թերթը:
«Հյուսիսային Կորեան իր միջուկային ծրագրի վրա կարող էր ծախսել 2.8-3.2 մլրդ դոլար՝ ներառյալ տրանսպորտի ու լոգիստիկայի ծախսերը»,- պարբերականին հայտնել են հետախուզական վարչության աղբյուրները:
Համաձայն մասնագետների հաշվարկների՝ Հյուսիսային Կորեան միջուկային օբյեկտների շինարարության վրա ծախսել է 600-700 մլն դոլար, այնքան, որքան վերամշակման գործարանի, միջուկային ռեակտորի, Յոնբենի թեթևջրածնային ռեակտորի, Պենսանի ուրանի մշակման գործարանի դեպքում՝ հայտնում է Interfax-ը:
Հնարավոր է՝ ևս 200-400 մլն դոլար ծախսվել է ուրանի հարստացման օբյեկտների շինարարության վրա:
Հետախուզական վարչության սպան նկատել է, որ միջուկային զենքի արտադրությունն ու թեստավորումը Փխենյանի վրա կարող է արժենալ 120-220 մլն դոլար:
Ըստ մասնագետների գնահատականների՝ շուրջ 50 մլն դոլար է ծախսվել Հյուսիսային Խամգեն նահանգում Պունգերի միջուկային փորձարկումների կենտրոնի շինարարության ու նախորդ երկու (2006 ու 2009) միջուկային փորձարկումների վրա:
Իր հերթին, The Chosunilbo-ը նկատում է, որ այդ գումարով կարելի էր գնել շուրջ 10 մլն տոննա հացահատիկ երկրի սովահար մարդկանց համար:
