Վրաստանի պաշտպանության նախարար Իրակլի Ալասանին և ԱՄՆ-ի պաշտպանության նախարար Լեոն Պանետան հեռախոսազրույցով քննարկել են Աֆղանստանում վրացական կոնտինգենտի նոր գործառույթները: Այս մասին հաղորդում է Trend գործակալությունը՝ վկայակոչելով Վրաստանի պաշտպանության նախարարությանը:
Ալասանիան իր ամերիկացի գործընկերոջը վստահեցրել է, որ Վրաստանն Աֆղանստանում կմնա մինչև ISAF-ի շրջանակներում ՆԱՏՕ-ի առաքելության ավարտը, իսկ 2014 թ. հետո, երբ երկրից դուրց կբերվեն ՆԱՏՕ-ի ուժերը, կշարունակի օգնություն ցուցաբերել Աֆղանստանի անվտանգության ուժերին:
«Վրաստանը ԱՄՆ-ի և ՆԱՏՕ-ի հավատարիմ գործընկերն է և կկատարի միջազգային անվտանգության ապահովման հարցերով իր պարտականություններ»,- նշել է Ալասանիան:
Իր հերթին Պանետան շնորհակալություն է հայտնել Վրաստանին Աֆղանստանում անվտանգության ապահովման միջազգային գործողությանը մասնակցելու համար և իր հիացմունքն է հայտնել վրացի զինվորների խիզախության և պրոֆեսիոնալիզմի կապակցությամբ:
