IDC Worldwide Quarterly Datacenter Networks Qview (2014Q4)-ի զեկույցում (IDC տվյալների կենտրոնի համաշխարհային ցանցերի եռամսյակային վերլուծություն) 2014 թ. 4-րդ եռամսյակում Huawei ընկերությունը ճանաչվել է փոխարկիչների համաշխարհային շուկայում ամենաարագ զարգացող մատակարարը տվյալների կենտրոնների համար: 2014 թ. պրովայդերը 137%-ի աճ է գրանցել: Զեկույցի համաձայն՝ տվյալների կենտրոնների համար փոխարկիչների վաճառքի համաշխարհային աճը նախորդ տարվա համեմատ կազմել է 10%: Huawei-ին բաժին է հասնում 2014 թ. 4-րդ եռամսյակում այդպիսի արտադրանքի իրացումից ընդհանուր համաշխարհային եկամտի 4%-ը: Այդպիսով ընկերությունը 2014 թ. 3-րդ եռամսյակի 7-րդ տեղից 4-րդ եռամսյակում տեղափոխվել է 4-րդ տեղ, հայտնում է TASS-ը:
2014 թ. Huawei ընկերությունը զարգացման և շահութաբերության աճի բարձր տեմպ է գրանցել հատկապես տվյալների մշակման կենտրոնների ցանցերի համար արտադրանքների և լուծումների ոլորտում: Ընկերությունը ներկայացրել է նոր մշակումներ, ներառյալ՝ ոլորտի լավագույն 12*100GE տերաբիթային մակարդակի գծային քարտեզը, նաև CloudEngine 7850 վերին մակարդակի տերաբիթանոց փոխարկիչը:
Բացի դրանից՝ ընկերությունը ներկայացրել է Cloud Fabric-ի ամպային լուծումը՝ Cloud Connect-ը, որը ձեռնարկություններին ապահովում է ընդլայնված ցանցային հնարավորություններով ամպային ծառայությունների համակարգով:
2014 թ. դեկտեմբերի դրությամբ Cloud Fabric-ի լուծումը և CloudEngine փոխարկիչները հաջողությամբ օգտագործվում են ընկերության ավելի քան 600 հաճախորդների համակարգերում: Ներկայումս Huawei ընկերությունն արդեն ավելի քան 3 000 CloudEngine 12800 փոխարկիչ է վաճառել ամբողջ աշխարհում տվյալների մշակման կենտրոնների համար:
