Իսպանական Գրանադայից ընտանեկան զույգը մոտ երկու տարի՝ 21 ամիս բանտում կանցկացնի երեկոյան ժամերին իր շների հաչոցի պատճառով: Այս մասին միջնորդագրերի կայքում հայտարարել է մեղադրյալի դուստրը՝ փոխանցում է Direct-press.ru-ն:
Կնոջ խոսքերով՝ իր ծնողները դարձել են անարդարացի մեղադրանքի զոհեր՝ հարևանը զրպարտել է նրանց:
«Նա դատարանում հայտարարել է, որ իմ ծնողների՝ լաբրադոր-ռեթրիվեր ցեղատեսակի շները օրական հաչացել են 18-24 ժամ»,- ասել է կինը:
Ընտանեկան զույգն աշխատել է ամեն ինչ անել՝ ապացուցելու համար իրենց և շների անմեղությունը: Նրանք նույնիսկ քաղաքացիական քննիչի են վարձել, ով միացված տեսախցիկով մեկ օր իրենց տանն է անցկացրել: Դատական պարզաբանումներին միացել է նաև անասնաբույժը, ով հաստատել է, որ շներն առողջ են:
Սակայն դատավորը հաշվի չի առել փորձագետների կարծիքը:
