Արևմտյան հայտնի ապրանքանիշները տարբեր հաջողությամբ են արձագանքում չինացիների փոփոխվող ճաշակներին: Այս մասին գրում է The Financial Times-ը: Ըստ պարբերականի` մասնավորապես խոսքը Rémy Martin, Martell, Gucci, Louis Vuitton ապրանքանիշների մասին է:
Օրինակ` Pernod Ricard ընկերությունը հինգշաբթի օրը հայտարարել է, որ 2014-ի առաջին կեսին Չինաստանում գինիների և ալկոհոլային ըմպելիքների վաճառքն անկում է ապրել 6 տոկոսով` ի տարբերություն 2013-ի նույն ժամանակաշրջանի: Նշվում է նաև, որ Չինաստանի մասնաբաժինը Rémy Cointreau-ի օպերացիոն եկամուտներում հասնում է 10-20 տոկոսի, այնինչ երկու տարի առաջ այդ ցուցանիշը կազմում էր մինչև 40 տոկոս:
Նույն ժամանակահատվածում Hermès ընկերությունը հայտնել է անցյալ տարվա վերջին երեք ամիսներին կաշվե ապրանքների, մետաքսե շարֆերի և Ասիայում այլ նորաձև աքսեսուարների վաճառքի` 8.9 տոկոսով աճի մասին: Ըստ որոշ փորձագետների` հաջողությունը պայմանավորված է նրանով, որ ընկերությունը հարաբերականորեն նոր է տարածաշրջանային շուկայում:
