Պենտագոնը Թուրքիային կպաշտպանի Սիրիայի հնարավոր սպառնալիքներից: Թուրքական «Անադոլու» գործակալության փոխանցմամբ՝ այս մասին հայտարարել է ԱՄՆ-ի պաշտպանության նախարարության մամուլի խոսնակ Ջորջ Լիթլը Պենտագոնում կայացած մամուլի ասուլիսի ժամանակ:
Հարցին, թե ինչպես է ընթանում Patriot հրթիռային համակարգերի տեղակայումը Թուրքիայում, Ջորջ Լիթլը պատասխանել է, որ այդ հարցի վերաբերյալ որևէ նոր տեղեկություն տալ չի կարող:
Լիթլը ընդգծել է, որ ՆԱՏՕ-ի կողմից իրականացվող Patriot հրթիռային համակարգերի տեղակայումը Թուրքիայում այդ երկրի հետ լուրջ դաշնակցային հարաբերությունների արդյունք է:
«Մենք մեծ կարևորություն ենք տալիս Թուրքիայի հետ դաշնակցային կապին, ուստի Սիրիայից կամ ցանկացած այլ պետության կողմից Թուրքիային ուղղված սպառնալիքների դեպքում մենք անհրաժեշտ ենք համարում մեր աջակցությունը ցուցաբերել»,- նշել է Լիթլը: