Facebook ընկերությունն իր Internet.org նախագծում ներառել է Հնդկաստանին՝ անվճար բազային առցանց ծառայություններով ապահովելով հնդկական 6 նահանգներ։ Այս մասին հայտնել է Facebook-ի գլխավոր տնօրեն Մարկ Ցուկերբերգը սոցցանցի իր էջում:
«Մենք գործարկել ենք Internet.org-ը Հնդկաստանում՝ 6 նահանգներում մարդկանց հասանելի դարձնելով համացանցային ծառայություններին՝ առողջապահության, կրթության, աշխատանքի որոնման ու շփման համար։ Ավելի քան 1 մլրդ մարդ Հնդկաստանում հասանելիություն չունի համացանցին»,- գրել է Ցուկերբերգը՝ նշելով, որ աշխարհը զրկված է նրանց գաղափարներից ու կրեատիվությունից։
Ցուկերբերգի խոսքով՝ վերջին 1 տարում իրենք անվճար համացանցով են ապահովել աֆրիկյան և լատինաամերիկյան երկրների, որոնց բնակչության ընդհանուր թիվը կազմում է 150 մլն։
Վերլուծաբանների կանխատեսումներով՝ Հնդկաստանը շուտով ԱՄՆ-ից առաջ կանցնի Facebook-ի օգտատերերի թվով։
