Բուլղարիայում այսօր` տեղական ժամանակով ժ. 06:00-ին, սկսվել է նոր ատոմակայանի կառուցման առաջին հանրաքվեն: 11.6 հազար ընտրատեղամասերում քվեարկությունը կշարունակվի մինչև ժամը 19:00-ը՝ հայտնել է Բուլղարիայի Կենտրոնական ընտրական հանձնաժողովը:
Համազգային հարցում անցկացնելու որոշումը կայացվել է 2012թ.-ի հոկտեմբերի 24-ին: Պատճառն այն էր, որ 2012թ.-ի մարտին Բուլղարիան դուրս եկավ «Բելենե» ԱԷԿ-ի նախագծից, որը նախատեսում էր 2 հազար մեգավատտ հզորությամբ ատոմակայանի կառուցում:
Ընդդիմադիր Բուլղարական սոցիալիստական կուսակցությունը քարոզարշավ էր սկսել հօգուտ ատոմակայանի կառուցման: Կուսակցությունը դրա համար հավաքել էր անհրաժեշտ 500 հազար ձայն, ինչը խորհրդարանին պարտավորեցրել էր որոշել ատոմակայանի շինարարության աշխատանքները սկսելու օրը:
