Մեքսիկացի Բենիտո Էրնանդեսի ընտանիքը, որն ապրում է Կոաուիլա նահանգի Սան-Խոսե-դե-Լաս-Պյեդրաս քաղաքի մոտ, կարող է հպարտանալ իր տան անսովոր տեսքով: Այն առանձնահատուկ է նրանով, որ գտնվում է ժայռի մոտ, տան համար որպես պատեր ու տանիք ծառայում է 40 մ տրամագծով հսկայական քարը:
Բենիտոյի կինը՝ Սանտա Մարթա դե լա Կրուս Վիլյառեալը, պատմում է, որ իրենց կացարանում քիչ լույս կա, փոխարենը՝ միշտ զով է, 30 տարում տանիքը ոչ մի անգամ չի դավաճանել:
Տան ներսում հասարակ փայտե կահույք է հողե հատակի վրա, վերևից ժայռե ցածր առաստաղն է: Էլեկտրականություն լինում է, բայց շատ հազվադեպ, կոյուղի չկա: Վառարան ունեն, որի վրա ընտանիքը ճաշ է պատրաստում սեփական ձեռքով աճեցված բերքով և մոտակա քաղաքի խանութից գնած մթերքով: Ջուր վերցնում են լեռնային առվից:
Երբեմն բավականին ցուրտ է լինում, խոստովանում է Բենիտոն, և միշտ չէ, որ բավարար սնունդ են ունենում: Էրնանդես ամուսիններն այստեղ մեծացրել են իրենց 7 երեխաներին, գրում է The Daily News-ը:
