Բրիտանացի գիտնականները պարզել են, որ մարդիկ շատ ավելի հեշտությամբ կսկսեն ավելի առողջ ապրելակերպ վարել, եթե դա նրանց հետ անի զուգընկերը: Խոսքը, օրինակ, ծխելը թողնելու, առավոտյան վազելու, առողջարար դիետա պահելու մասին է: Ջեյն Ուարդլիի ղեկավարությամբ գիտնականների խմբի հետազոտությունը հրապարակվել է JAMA Internal Medicine ամսագրում:
Մասնագետները վերլուծել են 3722 զույգերի մասին տվյալները: Ջեյն Ուարդլին հաստատում է, որ կանանց 50 տոկոսը, ովքեր ցանկացել են թողնել ծխելը, առաջադրանքը հաղթահարել են, եթե նրանց զուգընկերը նույնպես իր առջև դրել է այդ նպատակը: Նրանց շարքում, ում ամուսինները չեն ծխել կամ չեն պատրաստվել թողնել, վատ սովորությունից հրաժարվել է կանանց համապատասխանաբար 17 և 8 տոկոսը:
Ջուլիա Շարփը, որը հետազոտության համահեղինակ է, կոչ է անում մարդկանց մտածել կենսակերպի մասին. նրա խոսքով՝ ժամանակակից աշխարհում վնասակար սովորությունները քրոնիկ հիվանդություններից մահացության պատճառների շարքում առաջինն են:
