Հելոուինի նախօրեին Elle ամսագիրը առաջարկում է միստիկ գաղափարներ ճանապարհորդությունների համար. ամրոցներ ու տներ՝ պարուրված պատմության մեջ «ամենակենդանի» տեսիլքների մասին լեգենդներով:
Բլիքլինգ-հոլն ու «Անհանգիստ Աննան»
Այս միստիկական դղյակը Հոբարթի գերագույն դատավորինն է, կառուցվել է 16-րդ դարի կեսին, գտնվում է Նորֆոլկում: Թյուդորների կառավարման տարիներին պատկանել է Բոլեյն ընտանիքին: Համաձայն հավատալիքների՝ հենց այդտեղի հանդիսավոր միջանցքներով է շրջում հայտնի Աննա Բոլեյնի՝ Հենրիխ 8-րդի կնոջ ուրվականը:
1536թ. չկարողանալով ամուսնուն պարգևել որդի՝ նա ամուսնու կողմից մեղադրվում է հայրենիքին դավաճանելու մեջ ու գլխատվում: Նա մարդկանց երևում է իր սեփական գլուխը բռնած:
Էդինբուրգի դղյակն ու «Սարսափելի Ջոքերն ու Կոն»
Շոտլանդիայում ամրոցն առանց ուրվականների ամրոց չէ: 1034թ. ամրոցում դաժանորեն սպանվեց Շոտլանդիայի արքա Մալկոլմ 2-րդը: Այդ օրը արքայի արյունը ներծծվել է փայտե հատակին ու հետքը պահպանվել, այսպես կոչված, Մալկոլմի սենյակում, որտեղ նա հաճախ երևում է սև զգեստով:
Մյուս միստիկական դեպքը կապված է կոմս Գլեմիսի հետ, որը իր ոգին վաճառել էր սատանային ազարտային խաղեր խաղալու դիմաց: Շաբաթ կամ կիրակի մոտենալով Կախարդված դղյակի այդ սենյակին՝ հնարավորէ լսել խաղացողների ձայներն ու ճիչերը:
Ֆոնտենբլոյի հայտնի դղյակը
Ֆոնտենբլոն ուրվականներով ամենախիտ բնակեցված դղյակն է: Շինությունը թագավորական առաջին նստավայրն էր, որ զուրկ էր պաշտպանական գործառույթից, այսպես կոչված՝ «որսորդական տնակ էր»: Այստեղ կնքվել են քաղաքական հարյուրավոր համաձայնագրեր ու կայացվել վճիռներ: Հենց Ֆոնտենբլոյում է Նապոլեոն Բոնապարտը հրաժարվել գահից:
Ուորիքսի դղյակը
Կառուցվել է 11-րդ դարում Անգլիայում՝ Վիլհելմ Նվաճողի կողմից: Ամենասարսափեցնող տեղը «ուրվականային աշտարակն» է՝ ուրվական սըր Ֆուլկ Գրևիլի բնակության վայրը, ով սպանվել էր իր ծառայի կողմից 1628-ին ու ամեն երեկո, ավանդույթի համաձայն, դուրս է գալիս աշտարակում կախված իր դիմանկարի միջից:
Բոյնիցի դղյակը ու «Սպիտակ պանին»
Բոյնիցի դղյակը հիմնվել է Սլովակիայում 12-րդ դարում՝ հնագույն հրաբխի տեղում: Այդտեղ է ապրում Յուլիա Կորպոտնայը: Հակահաբսբուրգյան շարժման ժամանակ կոմսուհին սիրահարվել էր թշնամական բանակի ղեկավարին ու բացել գաղտնի մուտքը կայսերական զորքերի առաջ իր քաղաքի պաշարման ժամանակ: Դավաճանության համար Յուլյային գլխատել էին: Այդ ժամանակից ի վեր նրա ուրվականը սպիտակ հագուստով հայտնվում է ամրոցում ու փորձում բացել դռները:
Բլենհեյմյան պալատն ու «Գեղեցկուհի Ռոզամունդան»
Վուդստոկն Անգլիայում հայտնի է իր միստիկական պալատով, որը գտնվում է դրա մերձակայքում: Հենց այստեղ էլ արքա Հենրիխ 2-րդը ժամանակ է անցկացնում գեղեցկուհի Ռոզամունդա Քլիֆորդի հետ: Որպեսզի սիրուհուն հետ պահի կնոջ վրեժխնդրությունից, արքան դղյակի շուրջ խճճված լաբիրինթոս էր կառուցել: Կինը, այնուամենայնիվ, կարողացել էր հետևել ամուսնուն ու ներթափանցելով դղյակ՝ առաջարկել էր Ռոզամունդային ընտրել իր մահվան տեսակը՝ դաշույնից մինչ թույն: Աղջիկն ընտրել էր թույնը ու սարսափելի տանջանքներով մահացել, ինչից հետո նրա ոգին այդպես էլ սպասում է Հենրիխին պատուհանի մոտ:
