Աշխարհի խոշորագույն տնտեսությունների վարկանիշային ցուցակում այս տարի Մեծ Բրիտանիան վերադարձել է 6-րդ հորիզոնական՝ կրկին առաջ անցնելով Բրազիլիայից: Այս մասին գրում է The Guardian-ը՝ հղում անելով Տնտեսական և գործարար հետազոտությունների բրիտանական կենտրոնի (CEBR) տվյալներին: Անցած տարի Բրազիլիան անվանական ՀՆԱ-ով առաջ էր Մեծ Բրիտանիայից:
Միևնույն ժամանակ, CEBR-ի փորձագետները ենթադրում են, որ 2014-ին Բրիտանիայի տնտեսությունը կրկին կզիջի բրազիլականին: 2017-ին, ինչպես սպասվում է, Մեծ Բրիտանիան ՀՆԱ ծավալով կգերազանցի ակտիվ զարգացող Հնդկաստանին: Այժմ Հնդկաստանը գտնվում է 10-րդ տեղում:
Աշխարհի խոշորագույն տնտեսությունների հնգյակը այս տարի մնում է այնպիսին, ինչպիսին անցած տարի էր: Վարկանիշը գլխավորում է ԱՄՆ-ն, նրան հաջորդում են Չինաստանը, Ճապոնիան, Գերմանիան և Ֆրանսիան: Մասնագետները կարծում են, որ առաջիկա տասնամյակում եռյակում փոփոխություն չի լինի:
