Մեծ Բրիտանիայում լույս է տեսել 2015թ. բացառիկ օրացույց, որի մոդելները մազաթափությունից տառապող ճաղատ կանայք են: Օրացույցը Pretty Bald կայքից հնարավոր է ձեռք բերել 10 ֆունտ սթերլինգով:
Ֆոտոսեսիային մասնակցել է 12 կին, որոնցից մեկի գլխին մազ կա՝ հայտնում է The Daily Mail-ը:
Օրացույցի շապիկին բոլոր կանայք կանաչ խոտի վրա պառկած են մերկ: Բոլոր նկարներում կանայք ժպտում են:
Օրացույցի հեղինակները փորձել են այդկերպ մազաթափությունից տառապողներին ցույց տալ, որ ճաղատ մարդիկ նույնպես կարող են գեղեցիկ լինել:
Լուսանկարների հեղինակը Մարկուս Գրինն է: Հավաքված գումարներն ուղղվելու են բարեգործությանը:
