ԱԿԲԱ-ԿՐԵԴԻՏ ԱԳՐԻԿՈԼ բանկը , գործարկել է Հայաստանում իր թվով 50-րդ՝ «Կեսարիա» մասնաճյուղը: Մասնաճյուղը գտնվում է Երևան քաղաքում, Մալաթիա Սեբաստիա համայնքի՝ Շերամի փողոցի 93/3 հասցեում: Ինչպես մյուս, այնպես էլ այս մասնաճյուղում բոլոր քաղաքացիներին կառաջարկվեն ԱԿԲԱ-ԿՐԵԴԻՏ ԱԳՐԻԿՈԼ բանկում գործող ծառայությունները իրենց ամբողջ ծավալով և բարձրակարգ սպասարկմամբ:
Երկու ամիսների ընթացքում բանկի նորաբաց մասնաճյուղում առաջին 100 (հարյուր) American Express Blue քարտ պատվիրող քաղաքացիները կազատվեն առաջին տարվա սպասարկման միջնորդավճարի գանձումից: Ինչպես նաև առաջին 100 (հարյուր) ֆիզիկական անձինք կստանան սպառողական վարկեր 1% ավելի ցածր տոկոսադրույքով, իսկ դրամական ժամկետային ավանդի համար դիմելու դեպքում՝ գործող տարեկան տոկոսադրույքը կլինի 1%-ով ավելի բարձր սակագնով:
Մասնաճյուղի ծառայություններից օգտվող առաջին 50 (հիսուն) անհատ ձեռներեցների և իրավաբանական անձանց համար՝ ընթացիկ հաշիվ բացելու դեպքում անվճար կտրամադրվի Visa Business քարտ և նրանք կազատվեն առաջին տարում սպասարկման միջնորդավճարի գանձումից:
