ԱՄՆ վարչակազմի ներկայացուցիչը լրագրողներին հայտնել է, որ Իրաքում ԱՄՆ մարդասիրական գործողության շրջանակներում մի քանի հազար մարդու համար նետել են սննդամթերք ու ջուր: Այս մասին հայտնում է Ria Novosti-ն:
«Առաքելությունը կազմված էր C-17 ռազմատրանսպորտային ինքնաթիռից և երկու С-130-ից: Նրանք միասին սնունդ ու ջուր են նետել մոտ 8 հազար մարդու համար»,- ասել է վարչակազմի ներկայացուցիչը: Նրա խոսքով՝ ինքնաթիռները նետել են 20 հազար լիտր խմելու ջուր և 8 հազար բաժին օգտագործման համար պիտանի ճաշ:
«Տարածքում, որտեղ նետել են օգնությունը, նրանք եղել են 15 րոպեից պակաս, թռել են ոչ մեծ բարձրությամբ»,- հայտնել է վարչակազմի ներկայացուցիչը: Նրա խոսքով՝ ինքնաթիռներին ուղեկցել է ԱՄՆ ռազմաօդային ուժերի երկու F-18 կործանիչ:
