Disney ստուդիան Ջոնի Դեփի Infinitum Nihil ընկերության հետ սկսում է աշխատել Դոնի Կիխոտի մասին ֆիլմի վրա: Այս մասին deadline.com-ը:
Նախագծի մասին հայտնի է միայն այն, որ այն կլինի Միգել Սերվանտեսի հայտնի վեպի ժամանակակից տարբերակը: Ֆիլմի սցենարը կգրեն «Ժամանակի մեքենան ջակուզիում» ֆիլմի ռեժիսոր Սթիվ Փինքն ու Ջեֆ Մորիսը, որը Փինքի համար սցենար է գրել այդպես էլ կյանքի չկոչված` «Անկեղծ մեմուարներ միջազգային մարդասպանից» նախագծի համար:
Ջոնի Դեփը հանդես կգա պրոդյուսերի դերով, չնայած ԶԼՄ-ները կարծում են, որ նա ֆիլմում նաև դեր կկատարի:
Ջոնի Դեփն արդեն մասնակցել է Դոն Կիխոտին նվիրված նախագծի: Նա պատրաստվում էր նկարահանվել Թերի Գիլիամի «Մարդը, որը սպանեց Դոն Կիխոտին» նախագծում, սակայն անբավարար ֆինանսավորման պատճառով նկարահանումները դադարեցին, և նա ստիպված եղավ լքել նախագիծը:
