«Նովոստի-Արմենիա» գործակալության փոխանցամբ՝ Լեռնային Ղարաբաղի և Ադրբեջանի զինված ուժերի շփման գծում չորեքշաբթի կայացած դիտարկման ժամանակ ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր: Այս մասին հաղորդել է ԼՂՀ ԱԳՆ մամուլի ծառայությունը:
Վերջինիս տարածած հաղորդագրության մեջ նշված է. «Նոյեմբերի 28-ին Լեռնային Ղարաբաղի Հանրապետության իշխանությունների հետ նախօրոք ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացրել Կուրապատկինո բնակավայրի մերձակայքում:
Արդյունքում՝ ԵԱՀԿ դիտարկման խմբերը ստիպված են եղել դիտարկում կատարել ավելի հեռու տարածությունից: ԼՂՀ պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնականներ ԽրիստոԽրիստովը (Բուլղարիա) և Եվգենի Շարովը (Ուկրաինա):
Շփման գծի հակառակ կողմից դիտարկումը գլխավորել է ԵԱՀԿ գործող նախագահի անձնական ներկայացուցիչ դեսպան Անջեյ Կասպշիկը (Լեհաստան): Դիտարկման առաքելությանը ղարաբաղյան կողմից ուղեկցել են ԼՂՀ արտաքին գործերի նախարարության և պաշտպանության նախարարության ներկայացուցիչները»:
