ԳՖՀ արտգործնախարար Ֆրանկ Վալտեր Շտայնմայերը համարում է, որ Ուկրաինայի հակամարտությունում ի հայտ են եկել լարվածության թուլացման մասին վկայող առաջին նշանները, հաղորդում է ITAR-TASS–ը։
Այդ մասին նա հայտարարել է երկուշաբթի՝ Սանկտ Պետերբուրգ կատարելիք իր այցի նախօրեին։ Ռուսաստանի հյուսիսային մայրաքաղաքում նախատեսված է նրա հանդիպումը ՌԴ-ի և Լեհաստանի ԱԳՆ ղեկավարներ Սերգեյ Լավրովի ու Ռադոսլավ Սիկորսկու հետ։
«Ուկրաինական հակամարտությունում այժմ առաջին անգամ լույս նշմարվեց թունելի վերջում,- ասել է Շտայնմայերը։ Միաժամանակ, մենք դեռ բավականաչափ չենք մոտեցել ճգնաժամի կարգավորմանը»։
«Այնուամենայնիվ, ինտենսիվ դիվանագիտական ջանքերի շաբաթներից ու ամիսներից հետո հակամարտության կողմերը հիմա վերջապես անմիջականորեն խոսում են իրար հետ»,- նշել է ԳՖՀ ԱԳՆ ղեկավարը՝ հավելելով, որ «Ռուսաստանի և Ուկրաինայի ղեկավարության միջև ծնվող երկխոսությունը ոչ մի դեպքում չպետք է նորից ընդհատվի»։
