Բենեդիկտ Քամբերբետչը հարվածել է մի կինոքննադատի, որը վիրավորել է Կիրա Նայթլիին: Բրիտանական The Observer թերթի լրագրող Մարկ Քերմոուդը նրա խաղը փայտե է անվանել, իսկ դերասանուհուն՝ IKEA Նայթլի՝ համեմատելով նրա դերասանական արվեստը Ikea խանութի կահույքի հետ, փոխանցում է Lady.ru-ն:
Դա մի քանի տարի առաջ է եղել, իսկ Elle-ին վերջերս տված հարցազրույցում Նայթլին պատմել է դրա մասին: «Երբ հանդիպեցի Բենեդիկտին, հարցրի. «Դու լրագրողի՞ ես խփել»: Նա պատասխանեց. «Այո, խփել եմ»: Այսպիսի ընկեր յուրաքանչյուրին է պետք»:
Ինչ վերաբերում է դերասանի հետ հարաբերություններին, ապա Կիրան խոստովանում է, թե ուրախ է, որ առիթ է ունեցել համբուրվել Քամբերբետչի հետ նոր ֆիլմում:
