Ջենիֆեր Լոպեսն ու Կասպեր Սմարթը բաժանվել են, իրազեկ աղբյուրներին է մեջբերում Spletnik.ru-ն: Երգչուհին և պարողը միասին են երկուսուկես տարի, սակայն վերջին ժամանակներում չեն դադարում նրանց բաժանվելու մասին լուրերը:
Վերջին տվյալների համաձայն՝ նախկին սիրահարները որոշել են ընկերներ մնալ:
Աղբյուրը պնդում է. «Նրանք խաղաղ են բաժանվել: Որոշումը հեշտ չի եղել, սակայն նրանք որոշել են ընկերներ մնալ: Նրանց հարաբերությունները չեն դիմացել հեռավորությանը: Դրանից բացի, Կասպերը իր կարիերան է կառուցում, իսկ Ջենիֆերը կենտրոնացած է իր սեփական կարիերայի վրա: Նրանք ուղղակի այլևս չէին կարող միմյանց ուշադրություն հատկացնել»:
Ինչպես պնդում է աղբյուրը՝ երգչուհին զբաղված է իր նոր ալբոմի տարածելով և չի տառապում անհաջող սիրավեպի պատճառով. «Նրանց երկուսի մոտ էլ ամեն ինչ լավ է»:
Ինչևէ, վերջին հարցազրույցներից մեկում երգչուհին խոստովանել է, որ մենակություն չի սիրում, այնպես որ, հնարավոր է, մենք նրան շուտով նոր ընկերակցությամբ տեսնենք:
