Հարավային Կորեայի ցամաքային զորքերն առաջին անգամ ԱՄՆ-ի զինվորականների հետ համատեղ զորավարժություններ կանցկացնեն ամերիկյան տարածքում: Զորավարժությունները, որոնց կմասնակցեն մոտ 170 հարավկորեացի զինծառայողներ, կանցկացվեն հունիսի 9-ից հուլիսի 1-ը: Այս մասին հայտնել են Կորեայի Հանրապետության ցամաքային զորքերի շտաբում՝ փոխանցում է ITAR-TASS-ը:
Համատեղ զորավարժությունները կկայանան Ֆորտ-Իրվինի (Կալիֆոռնիա) ազգային ուսումնական կենտրոնում: Մինչ այդ գրեթե բոլոր ուսումնավարժանքներն անցկացվել են Կորեական թերակղզու հարավում:
Զորավարժությունները կոչված են ամրապնդելու դաշնակիցների զինված ուժերի փոխգործակցությունը համատեղ օպերացիաների անցկացման դեպքում:
