Բրիտանիան շարունակում է պնդել, որ Վրաստանի և Մոլդովայի հետ ասոցացման համաձայնագրերը շուտափույթ ստորագրվեն, հայտարարել է Միացյալ թագավորության ԱԳ նախարար Ուիլյամ Հեյգը: Համաձայնագիրը պլանավորվում է ստորագրել հունիսի 27-ին՝ ԵՄ-ն գագաթնաժողովին, հաղորդում է RIA Novosti-ն:
«Մենք ԵՄ-ում ինչպես Արևմտյան Եվրոպայի, այնպես էլ այլ երկրների հետ աշխատում ենք տնտեսական հարցերի վրա: Վրաստանը և Մոլդովան ԵՄ-ի հետ ասոցացման արդյունքում կստանան այն բոլոր առավելությունները, որոնք ստանում են այդ համաձայնագիրը ստորագրած պետությունները»,- ասել է Հեյգը՝ չորեքշաբթի օրը ելույթ ունենալով Լոնդոնի գլոբալացման համաժողովին:
Խոսելով Ուկրաինայի մասին՝ բրիտանացի նախարարը նշել է, որ Բրիտանիան «նախկինի պես ներգրավված է քաղաքական գործընթացում», սակայն չի մեկնաբանել Կիևի հետ ասոցացման համաձայնագրի ժամկետները: «Մենք այժմ ներգրավված ենք գործընթացում, Ուկրաինային աջակցում ենք, մասնակցում ենք փորձաքննությանը, օգնում ենք նախարարներին»,- ասել է Հեյգը:
Ավելի վաղ Ուկրաինայի նորընտիր նախագահ Պյոտոր Պորոշենկոն հայտարարել էր, որ իր երկիրը պատրաստ է ստորագրել ԵՄ-ն հետ ասոցացման համաձայնագիրը այն ժամանակ, երբ ԵՄ-ն պատրաստ կլինի դա անել:
