Անդրադառնալով վերջին շրջանում Երևանում և Հայաստանի տարբեր մարզերում հացի թանկացմանը՝ նման կարծիք «Առաջին լրատվական»–ի հետ զրույցում հայտնեց «Սպառողների միություն» ՀԿ–ի նախագահ Արմեն Պողոսյանը.
«Հացի գնի թանկացում անընդհատ է կատարվում: Մի կողմից պետությունը մտածում է ինչպես զսպել գները, բայց մյուս կողմից էլ շատ ուրիշ անելիքներ կան, օրինակ այն, որ տնտեսական քաղաքականությունը արատավոր է:
Թանկացումների հիմնական պատճառը սելեկցիոն աշխատանքի բացակայությունն է: 70 տոկոսը 1-2 հոգի են ներկրում: Իսկ ես առաջարկում եմ բաժանել քվոտաների՝ 20 տոկոսը մեկը ներկրի, հաջորդ 20-ը՝ մյուսը, և այդպես շարունակ, ոչ թե թողնել, որ ով ինչ ուզի՝ անի:
Տարբերակվում է նաև հացի գնի «նոմինալ» և «կրիմինալ» թանկացում հասակցությունները: Նոմինալն այն է, երբ մենք հստակ տեսնում ենք գնի թանկացում, իսկ կրիմինալը, երբ դա արվում է քողարկված՝ հացի քաշը պակասեցնում են, գինը թողնում նույնը: Ոչ մի սպառող չի կարող այդ 7 կամ 12 գրամը կշռել, կամ բացահայտել: Այսինքն, եթե գինը չի բարձրանում՝ քաշն է պակասում, դա էլի նույն թանկացումն է: Դա քողարկված կամ աննկատ թանկացումն է: Դրանով պետք է զբաղվի ոչ թե սպառողը, այլ պետական կառույցները, որոնք շատ են մեր երկրում, օրինակ՝ Տնտեսական մրցակցության պետական հանձնաժողովը, հարկային մարմինները և հասարակական կառույցները, ինչպես, օրինակ, մերը: Մենք այս հարցով արդեն դիմել ենք նախագահի վերահսկողության ծառայությանը և սպասում ենք տեսնենք ինչ քայլեր պետք է ձեռնարկեն այս ուղղությամբ»,- եզրափակեց Ա. Պողոսյանը:
