Թորայի յուրահատուկ նմուշը վաճառվել է Փարիզում Christie’s աճուրդի տանը: Լոտի նախնական արժեքը եղել է 1-1,5 մլն, սակայն այն վաճառվել է է 2 785 500 եվրոյով, հայտնում է ITAR-TASS-ը: Գնորդի անունը չի հրապարակվում:
«Սա համաշխարհային ռեկորդ է հրեական տպագիր գրքի համար, և ռեկորդ է տպագիր հրատարակության համար՝ Ֆրանսիայում»,- նշել են աճուրդի կազմակերպիչները:
Հրեաների համար սրբազան գիրքը տպագրվել է 1482 թվականին իտալական Բոլոնիայում և վերաբերում է ինկունաբուլ եզակի կատեգորիային՝ հնատիպ հրատարակություններին, որոնք լույս են տեսել մինչև 1501 թվականի հունվարի 1-ը:
Որպես կանոն, դրանց տպաքանակը չի գերազանցել մի քանի հարյուր օրինակը, ուստի այսօր դրանցից եզակի օրինակներ են մնացել:
Պատմաբանները նշում են, որ տվյալ ինկունաբուլն առաջին տպագիր հրատարակությունն է, որում միատեղված են Մովսեսի Հնգամատյանի հրեական տարբերակի բոլոր մասերը: Սա նաև առաջին օրինակն է, երբ հրեական գրի տեքստը համալրված է եղել ընթերցանությունը պարզեցնող նշաններով:
Վերջին 100 տարում Թորայի հնատիպ նմուշի միայն երկու օրինակ է վաճառվել աճուրդներում: Առաջինը՝ 1970-ին, երկրոդը՝ 1998-ին: Աշխարհում հայտնի է մոտ 175 հրեական ինկունաբուլ:
