«Роснефть» ընկերության ղեկավար Իգոր Սեչինը սեպտեմբերի 26-ին Վենեսուելայի նախագահ Ուգո Չավեսին նվեր է հանձնել Վլադիմիր Պուտինի անունից: Նվերը եղել է ռուսական տերիեր տեսակի 3-ամսական շուն: EFE-ի փոխանցմամբ` հարավամերիկյան երկրի առաջնորդը հեշտությամբ լեզու է գտել կենդանու հետ: Մոտ ժամանակներս Չավեսը կորոշի նրա անունը:
Ռուսաստանում անասնաբույժների շրջանում սև տերիերը ստացել է «Ստալինի շուն» անվանումը: Այս տեսակը ստեղծվել է խորհրդային տարիներին ռիզենշնաուցեր, էրդելտերիեր, ռոտվեյլեր և նյուֆաունդլենդ տեսակի շների խաչասերումից:
Սեչինի հետ հանդիպման ժամանակ Չավեսը երախտագիտություն է հայտնել ՌԴ նախագահին Վենսուելայում բնակարանային խնդիրների լուծմանը մասնակցելու համար: Չավեսը հայտարարել է, որ զանգվածային շինարարության գաղափարի հեղինակը Վլադիմիր Պուտինն է: Ներկայումս ռուս մասնագետները Ֆորտ-Տյունե քաղաքում իրականացնում են 6000 բնակարանների շինարարություն: Սպասվում է, որ նրանց ջանքերով կկառուցվեն նաև դպրոցներ, մանկապարտեզներ և բժշկական կենտրոններ:
Վենեսուելա կատարած իր այցի ընթացքում Սեչինը հայտարարել է, որ «Роснефть»-ը մտադիր է 16 մլրդ դոլար ներդնել «Կարաբաբո-2» համալիրի մշակման համար: Եվս 20 միլիարդ դոլար 40 տարում կորպորացիան ծրագրում է ներդնել «Խունինա 6» հանքավայրում: Այնտեղից նավթի առաջին արդյւունահանումը կիրականացվի այսօր:
